Долі Партан, адна з самых вядомых выканаўцаў у гісторыі кантры-музыкі, памерла ва ўзросце 80 гадоў. Пра яе смерць 25 жніўня паведаміла сям’я. Спявачка мірна памерла ў Нэшвіле, прычына смерці пакуль не раскрываецца.
У сярэдзіне жніўня Партан расказвала пра пагаршэнне здароўя і адмяніла запланаваны візіт у тэматычны парк Dollywood, які ёй належаў. Раней яна таксама адклала выступленні ў Лас-Вегасе.
Долі Партан нарадзілася 19 студзеня 1946 года ў Тэнэсі ў шматдзетнай сям’і. Музычную кар’еру яна пачала яшчэ ў дзяцінстве, а прафесійна выступаць стала ў 1950-х. За амаль шэсць дзесяцігоддзяў творчасці Партан выпусціла дзясяткі альбомаў і напісала больш за 3000 песень. Сярод яе самых вядомых кампазіцый — Jolene, I Will Always Love You, 9 to 5 і Coat of Many Colors. Яна прадала больш за 100 мільёнаў запісаў і стала адной з найбольш уплывовых жанчын у гісторыі кантры.
Партан атрымала 11 прэмій «Грэмі», у тым ліку ўзнагароду за жыццёвыя дасягненні, а таксама была ўключаная ў Залы славы кантры-музыкі і рок-н-ролу. Яна таксама спрабавала сябе ў кіно і на тэлебачанні, атрымлівала намінацыі на «Оскар», «Эмі» і «Тоні».
Акрамя музыкі, Партан была паспяховай прадпрымальніцай і актыўна займалася дабрачыннасцю. Яна стварыла тэматычны парк Dollywood, які стаў буйным турыстычным і працоўным цэнтрам у Тэнэсі. Яе праект Imagination Library бясплатна раздае дзецям кнігі і спрыяе развіццю ранняга чытання. За гады існавання праграма перадала юным чытачам ужо больш за 300 мільёнаў кніг.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары