Сяброўка памерлай Анастэйшы: «Перад смерцю яна сказала: «Калі нешта здарыцца, працягвайце без мяне»
Карэспандэнт «Нашай Нівы» паразмаўляў з сяброўкай Насты Бруснікінай, заснавальніцы эротык-шоу All Inclusive Надзеяй Ляўковай, якая выступала разам з Настай.
«Для нас смерць Насты стала зусім нечаканай, — кажа Надзея. — Яна ніколі не скардзілася на сэрца, а тут адбылася нечаканае спыненне, вострая недастатковасць. Ніхто дагэтуль не можа паверыць».
«НН»: Вы працавалі разам ад 2010 года?
НЛ: Не, у нас быў другі склад, з першым у Насты былі вялікія праблемы, аднак спыняцца яна не збіралася. Пару месяцаў таму яна зламала нагу, ёй наклалі гіпс, яна прыйшла на рэпетыцыю і кажа: «Зараз я гіпс здыму, і будзе рэпетыцыя». Ледзь адгаварылі не рабіць гэтага. Ведаеце, што ў гэтай сітуацыі самае страшнае? Напярэдадні смерці, у апошнюю ноч, Наста раптам нам сказала: «Дзяўчаты, што б ні здарылася, вы мусіце працягваць шоу без мяне». Яна вельмі шмат уклала ў гэтае шоу, і хвалявалася, што з ім можа нешта здарыцца.
«НН»: Вы будзеце працягваць?
НЛ: Паколькі гэта было важна для Насты, мы не адмянілі выступаў ні ў суботу, ні ў нядзелю. Выступалі ў чорных касцюмах і масках — у памяць пра яе. Нас не ўсе зразумелі, аднак пасля той апошняй размовы мы не маглі зрабіць інакш.
«НН»: Зараз вы збіраеце грошы для дачкі Бруснікінай…
НЛ: Так, Яне зараз шэсць год, яна пайшла ў першы клас. У Насты была цяжкая сітуацыя ў сям’і, я не хачу пра гэта казаць, аднак высветлілася, што яна адкрыла для дачкі рахунак, з якога да 18-годдзя будуць ісці адлічэнні для Яны. Таму ўсе, хто можа падзяліцца грашыма — могуць перавесці іх на гэты рахунак.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары