Пракуратура Вілейскага раёна падчас летніх праверак выкрыла, паводле яе вызначэння, падпольны дзіцячы летнік.
На тэрыторыі адной з мясцовых аграсядзіб працаваў несанкцыянаваны летнік — там праходзілі спартыўныя зборы па каратэ. У летніку адпачывалі больш за 30 дзяцей і падлеткаў ад 7 да 17 гадоў пад наглядам трох трэнераў.
Праверка выявіла мноства грубых парушэнняў.
Летнік не быў уключаны ў афіцыйны рэестр Аздараўленчага цэнтра. У штаце не было медыка, а з бальніцай ці паклінікай не склалі дамову на абслугоўванне. Трэнеры і кухар не змаглі паказаць медыцынскія кніжкі і дакументы пра праходжанне гігіенічнага навучання.
Частка дзяцей жыла на другім паверсе лазні, іншыя — у брудных дамах, дзе даўно не прыбіралі.
Вогнетушыцелі былі няспраўныя, а халадзільнікі ўключылі праз небяспечныя падаўжальнікі.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары