Канцэрт легендарнага гітарыста Джо Банамасы, які мусіў выступіць сёння ў Палацы Рэспублікі, адменены. Як патлумачылі журналісту «НН» у касах Палаца, гэта звязана з хваробай гітарыста.
Выступ Джо Банамасы для шырокай публікі быў адной з самых чаканых падзей года для аматараў рок-музыкі. Канцэрт у Маскве 16 кастрычніка прайшоў пры аншлагу – квіткі былі цалкам прададзены за некалькі дзён.
У асабістым твітары гітарыст піша, што захварэў на ларынгіт, праз гэта канцэрты на бліжэйшы тыдзень выпадаюць з графіка.
Ці будзе мінскі канцэрт Джо Банамасы перанесены на іншы дзень – пакуль не паведамляецца. Прынамсі ў касах Палаца Рэспублікі пра перанос не чулі.
Каментары