Лукашэнка дазволіў «Атамстройэкспарту» пачаць будаўніцтва Беларускай АЭС
Аляксандр Лукашэнка 2 лістапада падпісаў указ № 499 «Аб узвядзенні Беларускай атамнай электрастанцыі», паведамляе прэс-служба.
У паведамленні адзначаецца, што ў адпаведнасці з артыкулам 4 закона «Аб выкарыстанні атамнай энергіі» рашэнне пра ўзвядзенне атамнай электрастанцыі ці яе блока прымае прэзідэнт. Да гэтага часу завершана неабходная падрыхтоўчая праца для пачатку будаўніцтва АЭС, у тым ліку ў межах прынятых міжнародных абавязацельстваў.
У рэгіёне размяшчэння створаная інфраструктура, неабходная для будаўніцтва АЭС, распрацаваная праектная дакументацыя, якая была зацверджана пастановай Савета міністраў ад 30 верасня 2013 года № 457, замоўцам — ГУ «Дырэкцыя будаўніцтва атамнай электрастанцыі» атрыманая ліцэнзія на права ажыццяўлення дзейнасці ў галіне выкарыстання атамнай энергіі і крыніц іанізуючага выпраменьвання ў частцы работ па ўзвядзенні ядзерных установак.
Падпісаны ўказ дазваляе генеральнаму падрадчыку — ЗАТ «Атамстройэкспарт» (РФ) пачаць будаўніцтва Беларускай АЭС.
Для забеспячэння выканання графіка будаўніцтва, спрашчэння адміністрацыйных працэдур і зніжэння расходаў, што фінансуюцца з бюджэту, указ дазваляе ажыццяўляць адвод зямельных участкаў паралельна з будаўнічымі работамі. Нарыхтоўку драўніны і яе рэалізацыю будуць ажыццяўляць арганізацыі, якія адказваюць цяпер за вядзенне лясной гаспадаркі на гэтых участках.
Прадугледжваецца магчымасць перадачы замоўцам (ГУ «Дырэкцыя будаўніцтва атамнай электрастанцыі» або яго правапераемнікам) на перыяд будаўніцтва АЭС часовых будынкаў і збудаванняў АЭС у бязвыплатнае карыстанне.
Замоўца вызваляецца ад пакрыцця страт сельскагаспадарчай і лесагаспадарчай вытворчасці, выкліканых адабраннем ці часовым займаннем сельскагаспадарчых земляў і земляў ляснога фонду, якія выдзяляюцца для збудавання АЭС.
Акрамя таго, ад выплаты дзяржаўнай пошліны за выдачу дазволаў на часовае пражыванне ў Рэспубліцы Беларусь вызваляюцца замежныя грамадзяне і асобы без грамадзянства, якія прыцягваюцца для выканання работ па будаўніцтве АЭС і яе эксплуатацыі на працягу гарантыйнага тэрміну.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары