У Венесуэле мужчына правёў пасля землятрусу пад заваламі 8 дзён. Яго ўратавала вартавая будка
У Венесуэле выратавальнікі дасталі з-пад завалаў 43‑гадовага мужчыну, які правёў там пасля моцнага землятрусу восем дзён, паведамляе Associated Press.
Як паведамляецца, Эрнан Альберта Хіль Флорэс з 24 чэрвеня знаходзіўся пад руінамі гандлёвага цэнтра ў прыбярэжным горадзе Ла-Гуайра. Падчас землятрусу ён быў на дзяжурстве і знаходзіўся ў вартавой будцы. Менавіта яна абараніла яго ад смяротных траўмаў і стварыла паветраную прастору, якая дазволіла мужчыну выжыць.
Выратаванне гэтага чалавека стала вельмі рэдкім выпадкам, бо звычайна шанцы знайсці жывых пад заваламі рэзка змяншаюцца ўжо праз 48—72 гадзіны пасля стыхійнага бедства. У гэтым выпадку выжыць мужчыну дапамагло тое, што выратавальнікі здолелі падтрымліваць з ім сувязь і перадавалі яму ваду і ежу. Дзякуючы гэтаму мужчына змог пражыць пад заваламі значна даўжэй, чым гэта звычайна лічыцца магчымым.
Выратавальная аперацыя працягваецца. Пошукі людзей пад заваламі цяпер вядуцца ў максімальнай цішыні, каб можна было пачуць магчымыя сігналы аб дапамозе. Уначы выратавальнікі таксама сочаць за любымі светлавымі сігналамі.
Паводле апошніх афіцыйных звестак, колькасць загінулых у выніку землятрусаў у Венесуэле ўзрасла да 2295 чалавек.
Два магутныя землятрусы магнітудай 7,2 і 7,5 адбыліся ў краіне 24 чэрвеня. Яны сталі аднымі з наймацнейшых у Венесуэле за апошняе стагоддзе.
Венесуэла праз тыдзень пасля землятрусу: амаль 2300 загінулых, зніклых без вестак, верагодна, больш за 40 тысяч
Лідарку венесуэльскай апазіцыі Марыю Карыну Мачада не пусцілі на радзіму
Ля ўзбярэжжа Венесуэлы адбыўся новы землятрус
У Венесуэле выратавалі 60‑гадовую жанчыну пасля 86 гадзін пад заваламі
У Венесуэле 11‑гадовага хлопчыка жывога дасталі з-пад завалаў праз 70 гадзін пасля землятрусу
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары