Таранціна абраў назву для новага фільма, гэта не будзе працяг «Джанга»
Новы фільм Таранціна будзе называцца «Агідная васьмёрка» («The Hateful Eight»). Пра гэта паведамляе Deadline са спасылкай на свае крыніцы. Верагодна, назва з'яўляецца адсылкай да вестэрнаў Джона Стэрджэса 1960 «Выдатная сямёрка» («The Magnificent Seven»).
Выданне паведамляе, што кінематаграфіст завяршыў працу над сцэнаром свайго апошняга фільма і зараз мае намер паказаць яго некалькім акцёрам, якіх разглядае на галоўныя ролі.
Таранціна ужо выбраў двух акцёраў — Крыстафа Вальца і Бруса Дэрна. Вальц зняўся ў апошнім фільме Таранціна «Джанга вызваленым», а Дэрн сыграў у ім эпізадачную ролю.
Раней Таранціна распавёў, што яго новая карціна будзе вестэрнам. « Агідная васьмёрка» стане другім фільмам кінематаграфіста ў гэтым жанры. Першым быў «Джанга вызвалены». Але Таранціна падкрэсліў, што яго наступная праца не будзе працягам «Джанга».
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары