Прэм'ер-міністр Вялікабрытаніі Дэвід Кэмеран заявіў, што цалкам адмовіцца ад спажывання цукру і газаваных напояў на адзін дзень.
Пра гэта паведамляе Euronews.
Такім спосабам брытанскі прэм'ер хоча прыцягнуць увагу грамадскасці да праблемы атлусцення ў краіне. «Залішняя маса цела і дыябет, прычынай якога яна нярэдка становіцца, — самыя галоўныя выклікі ў сферы аховы здароўя нашай краіны. Мы вельмі сур'ёзна ставімся да гэтай праблемы і робім усё, што ад нас залежыць, для яе вырашэння», — заявіў Кэмеран.
У ходзе пасяджэння ў парламенце адзін з дэпутатаў у адказ на яго заяву прапанаваў яму самому ўзяць удзел у кампаніі і адмовіцца ад салодкага.
«Думаю, гэтая ініцыятыва атрымае рашучую падтрымку маёй жонкі, так што так, я згодны. Спадзяюся, у мяне атрымаецца», — адзначыў Кэмеран.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары