Супрацоўнікі нью-ёркскай галерэі Les Enluminures выявілі ў нядаўна набытым партугальскай манускрыпце малюнак кенгуру.
Па словах спецыялістаў, малюнак можа змяніць погляд гісторыкаў на адкрыццё еўрапейцамі Аўстраліі.
Манускрыпт з нотамі царкоўных песнапенняў галерэя набыла ў партугальскага калекцыянера за 15 тысяч даляраў. Дакумент датуецца 1580—1620 гадамі.
Галандзец Вілем Янсзан, які цяпер лічыцца першым еўрапейцам у Аўстраліі, высадзіўся на мацерыку толькі ў 1606 г. Такім чынам, калі дата будзе ўдакладнена, дакумент можа стаць сведчаннем прыярытэту партугальцаў у адкрыцці Аўстраліі.
«Альбо аўтар гэтага манускрыпта быў у Аўстраліі, альбо, што яшчэ цікавей, малюнкі аўстралійскіх жывёл ўжо былі вядомыя ў Партугаліі да моманту яго стварэння» — сцвярджае супрацоўнік галерэі.
Адзін з гісторыкаў сцвярджае, што партугальцы адкрылі Аўстралію ў 1521-22 гадах.
Прапагандысты запэўніваюць, што 196 палітвязняў ужо на свабодзе9
Каментары