Трамп назваў лідараў Ірана нячэснымі людзьмі, якія злілі ў СМІ вартую жалю і нікчэмную заяву
Прэзідэнт ЗША Дональд Трамп у сваёй сацыяльнай сетцы Truth Social напісаў пост, у якім не хавае абурэння паводзінамі іранскага кіраўніцтва.
«Умовы, якія Іран зліў фэйкавым СМІ, не маюць ніякага дачынення да ўмоў, якія былі ўзгодненыя ў пісьмовым выглядзе.
Тое, што яны заявілі, уключаючы іх слабую і вартую жалю заяву аб наяўнасці здзелкі, не мае нічога агульнага з праўдай.
Гэта вельмі несумленныя людзі. З імі немагчыма весці добрасумленныя перамовы. Ашаламляльна!
Акрамя таго, іх цалкам адбітая атака беспілотнікаў мінулай ноччу на індыйскія судны, якія выходзілі з Армузскага праліва, абсалютна непрымальная.
Ім лепш узяцца за розум, і хутка!» — напісаў Трамп.
Перад гэтым Іран апублікаваў тэкст меркаванага пагаднення з ЗША з 14‑ці пунктаў.
У доўгім пераліку, які распаўсюдзіла іранскае дзяржаўнае агенцтва Mehr, утрымліваюцца маштабныя патрабаванні Тэгерана.
У іх ліку — поўнае зняцце санкцый, вывад амерыканскіх войскаў з рэгіёна, разблакаванне замарожаных іранскіх актываў на суму $24 мільярды і дапамога ў аднаўленні краіны на суму не менш за $300 мільярдаў.
Хоць у дакуменце зноў пацвярджаецца абавязацельства Ірана не ствараць ядзерную зброю, праект таксама прадугледжвае, што ЗША павінны будуць пайсці на сур'ёзныя саступкі — напрыклад, змякчэнне нафтавых санкцый і зняцце марской блакады — яшчэ да пачатку фінальных перамоў.
Іран запатрабаваў $300 мільярдаў на аднаўленне ў рамках пагаднення з Трампам
Пагадненне паміж ЗША і Іранам прадоўжыць рэжым спынення агню на 60 дзён
Трамп адмяніў запланаваныя ўдары па Іране і заявіў пра поспех перамоў
ЗША ўвялі санкцыі супраць фірмы ў Беларусі, якая дапамагала Ірану купляць ПЗРК у Кітаі
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары