Па словах вучняў, так лічыць дырэктарка гімназіі.
Як распавёў гімназіст Данат Бука, тыдзень таму яго сястра прапанавала набыць і павязаць на сумкі жоўта-блакітныя стужкі.
Так яны хацелі выказаць сваю салідарнасць з украінскім народам. Дзеці насілі такія стужкі амаль тыдзень. Некаторыя з вучняў вырашылі падтрымаць гэту ідэю.
Але пры сустрэчы дырэктар гімназіі Людміла Хверанец зрабіла Данату заўвагу.
Данат Бука: «Дырэктарка сустракае, вітаецца «Добры дзень!», праходзіць, потым кажа: «Данат, стойце! Што гэта ў вас такое?», паказвае на стужачкі. Я кажу: а што, нельга насіць ці што? А яна, што ў нас тут ніякія не палітычныя аб’яднанні, гэта справы дарослых, калі яны так хочуць, то хай разбіраюцца — штосьці такое… Я кажу, пакажыце дакумент, дзе напісана, што мне нельга сінюю і жоўтую стужку насіць разам».
Дырэктарка нават паабяцала выклікаць Даната на размову, але не выклікала. А вось яго сябра на гутарку да дырэктара патрапіў. Па словах хлопца, педагог заявіла, што за дзяржаўным сцягам Украіны стаяць «фашысты» і «бандэраўцы».
У адказ хлопец папрасіў паказаць дакумент, які забараняе насіць такія стужкі. Дырэктарка зазначыла, што чула такое ўжо ад Букі і выклікала ў школу бацьку хлопца. Яму педагог распавяла, што Данат Бука дрэнна ўплывае на сябра.
Дарэчы, родны брат Даната Аляксей Бука летась узняў бел-чырвона-белы сцяг у Стакгольме ў падтрымку беларускай хакейнай зборнай. За гэта ў яго ўзнік канфлікт з ахоўнікамі стадыёна.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах10
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары