Учора Аляксандр Саладуха стаў другім беларускім спеваком, які сабраў «Мінск-арэну». Учора там прайшоў яго канцэрт «Вернае сэрца». Праўда, прадалося не 12 тысяч, а 5700 квіткоў.
Паміж Саладухам і Максам Каржом ёсць вялікае адрозненне. На апошняга публіка (пераважна моладзевая аўдыторыя) сапраўды раскупіла ўсе квіткі. А вось
на дапамогу Саладуху прыйшоў адміністрацыйны рэсурс. Паводле неафіцыйнай інфармацыі, частка квіткоў разышлося праз арганізацыі.
Зрэшты, цана білетаў была дэмакратычнай: ад 100 да 310 тысяч BR.
Адны гледачы кажуць пра ашлаг: маўляў, колькасць гледачоў вагалася ў прамежку 10 — 11 тысяч. Другія катэгарычна сцвярджаюць, што «Мінск-арэну» запоўнілі максімум на дзве траціны.
Канцэрт пачаўся са спазненнем на паўгадзіны. Але ўдзячная аўдыторыя не застался расчараванай. Саладуха выканаў усе свае хіты (у тым ліку, «Здравствуй, чужая милая»).
Каментары