Расійскі дыпламат спрабаваў атрымаць доступ да сакрэтнай інфармацыі падчас старшынства Літвы ў ЕС у мінулым годзе.
У дакладзе аддзела дзяржаўнай бяспекі Літвы за 2013 год гаворыцца, што расійскі дыпламат, імя якога не называецца, спрабаваў завербаваць літоўскага дзяржслужбоўцу, каб атрымаць «сакрэтную і канфідэнцыйную інфармацыю» аб старшынстве Літвы ў ЕС. «За гэтую інфармацыю яму прапаноўвалі грошы», — гаворыцца ў дакуменце.
У сваёй справаздачы літоўская разведка таксама абвінаваціла Расію ў праслухоўванні тэлефонных званкоў літоўскіх дыпламатаў і публікацыі іх на YouTube, а таксама ў распаўсюдзе «сачыльнага» праграмнага забеспячэння праз электронную пошту, прылады захоўвання дзвестак USB і кампакт-дыскі.
Прэс-сакратар пасольства РФ у Літве Аляксандр Іваноў заявіў, што дыпмісія не стане каментаваць паведамленні літоўскага дэпартамента дзяржбяспекі. Тым не менш, паводле ягоных словаў, дыпламат, імя якога было агучанае ў дакладзе, па-ранейшаму працуе ў пасольстве.
«У нас няма ніякіх афіцыйных запісаў аб дзейнасці тых ці іншых канкрэтных людзей», — адзначыў Аляксандраў.
МЗС Літвы пакуль не каментавала даклад разведслужбы.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары