У праграме запланаваныя загукальныя песні, веснавыя карагоды, моладзевыя і дзіцячыя гульні, танцы і кірмаш рамёстваў.
Пра гэта ў Фэйсбуку на старонцы мерапрыемства паведаміла Студэнцкае этнаграфічнае таварыства.
Веснавое свята ладзяць РМГА «Студэнцкае этнаграфічнае таварыства» і Дзяржаўны літаратурны музей Я. Купалы.
У праграме — загукальныя песні, веснавыя карагоды, моладзевыя і дзіцячыя гульні, танцы і кірмаш рамёстваў.
Гэтай вясной на свяце будуць спеўныя гурты «Горынь», «Гасцінец», «Варган», «Мярэжа», «Верас» і «Талака», «Калыханка», музыкі Дзяніс Сухі, Стась Чавус, Раман Яраш, Вераніка Анцілеўская, Алена Мялешка, Кася Радзівілава, Яўген Барышнікаў, капэла «Дзвіна», клуб традыцыйнага танца «Сіта».
Свята ў Вязынцы традыцыйнае.
Як і дагэтуль, прынцыповая пазіцыя арганізатараў – не падзяляць прысутных на гледачоў і выступоўцаў, а ўдзельнічаць у свяце ўсім разам. Да ўсяго, што будзе адбывацца наўкол, не толькі можна, але і варта далучацца. Вельмі вітаюцца стужкі і птушкі на дрэвы, а таксама традыцыйныя строі.
Сёлета да свята далучацца арганізацыя «Ахова птушак Бацькаўшчыны» і пякарня ŽORNY.
Таксама будзе працаваць кухня з блінчыкамі, гарбатай, мёдам і птушкамі-булачкамі.
Для майстроў: неабходна папярэдне зарэгістравацца, даслаўшы Дар’і Зуевай на адрас [email protected] (тэл. (029) 258-80-13) фотаздымкі сваіх рэчаў на ўзгадненне. Тэма кірмашу – традыцыйныя рамёствы, птушкі, кветкі.
Удзел у свяце бясплатны, але для ўваходу на тэрыторыю музея трэба будзе набыць уваходны квіток.
Цана квіткоў у музей:
10 000 – дарослыя;
7 000 – студэнты;
5 000 – дзеці.
Пачатак — 22 сакавіка ў 17.00.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары