Пра гэта паведамляецца на старонцы гурту «Ляпіс Трубяцкі» ў фэйсбуку.
«На жаль, наш канцэрт у Цюмені [павінен быў прайсці сёння 20 сакавіка — НН:] усё ж такі забаранілі. Пасля пераносу з клуба «Горкі» ў клуб «Міраж» дырэктара апошняга ўчора ўвечары выклікалі ў адміністрацыю горада і сказалі:
калі ты не адменіш гэты канцэрт, ужо заўтра твой клуб будзе зачынены — прычыны знойдуцца. Пасля такога шчырага выкручвання рук «Міраж» таксама здаўся.
У выніку, адыграўшы аншлагавы гіг у Екацярынбурзе і маючы больш за 600 прададзеных білетаў у Цюмені, гурт «Ляпіс Трубяцкі» быў вымушаны вярнуцца дадому, у Мінск. Хлопцы — цюменцы! Прабачце, што так атрымалася. Змагайцеся за свае правы. І мы ў вас абавязкова сыграем у будучыні — спадзяемся, усё ж такі агляднай».
Нагадаем, што на мінулым тыдні быў забаронены канцэрт у Пскове.
Цяпер «Ляпісаў» чакае тур па гарадах Украіны: прычым спачатку па ўсходзе
28 сакавіка гурт выступіць у Палтаве, 29-га — у Харкаве, 31-га — у Луганску, 1 красавіка — у Данецку, 2-га — у Днепрапятроўску, 4-га — у Адэсе.
5 красавіка гурт выступіць у Хмяльніцкім, а 6-га — у Львове.
7 красавіка плануецца вялікі канцэрт у Маскве.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца2
Каментары