Pra heta paviedamlajecca na staroncy hurtu «Lapis Trubiacki» ŭ fejsbuku.
«Na žal, naš kancert u Ciumieni [pavinien byŭ prajści siońnia 20 sakavika — NN:] usio ž taki zabaranili. Paśla pieranosu z kłuba «Horki» ŭ kłub «Miraž» dyrektara apošniaha ŭčora ŭviečary vyklikali ŭ administracyju horada i skazali:
kali ty nie admieniš hety kancert, užo zaŭtra tvoj kłub budzie začynieny — pryčyny znojducca. Paśla takoha ščyraha vykručvańnia ruk «Miraž» taksama zdaŭsia.
U vyniku, adyhraŭšy anšłahavy hih u Jekaciarynburzie i majučy bolš za 600 pradadzienych biletaŭ u Ciumieni, hurt «Lapis Trubiacki» byŭ vymušany viarnucca dadomu, u Minsk. Chłopcy — ciumiency! Prabačcie, što tak atrymałasia. Zmahajciesia za svaje pravy. I my ŭ vas abaviazkova syhrajem u budučyni — spadziajemsia, usio ž taki ahladnaj».
Nahadajem, što na minułym tydni byŭ zabaronieny kancert u Pskovie.
Ciapier «Lapisaŭ» čakaje tur pa haradach Ukrainy: pryčym spačatku pa ŭschodzie
28 sakavika hurt vystupić u Pałtavie, 29-ha — u Charkavie, 31-ha — u Łuhansku, 1 krasavika — u Daniecku, 2-ha — u Dnieprapiatroŭsku, 4-ha — u Adesie.
5 krasavika hurt vystupić u Chmialnickim, a 6-ha — u Lvovie.
7 krasavika płanujecca vialiki kancert u Maskvie.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary