Жанчыны, якія позна кладуцца спаць, кахаюцца часцей, але радзей заводзяць доўгія стасункі
Новае даследаванне, праведзенае Дарыа Маэстрэпіеры з універсітэта Чыкага ў ЗША паказала існаванне ўзаемасувязі паміж рэжымам сна чалавека і яго сэксуальным жыццём.
У даследаванні прынялі ўдзел 348 мужчын і 153 жанчыны-магістранкі Універсітэта Чыкага.
Падчас даследвання выявілася, што мужчыны спяць меней за жанчын прыкладна на гадзіну ў суткі. Савінага графіку прытрымліваецца большасць мужчын: сярод мужчын соваў ўдвая больш за жаўранкаў, а ў жанчын — у паўтара раза.
Вынікі даследавання паказваюць, што жанчыны і мужчыны-совы, якія кладуцца спаць позна, звычайна маюць большую колькасць сэксуальных партнёраў, чым людзі-жаўранкі. Разам з гэтым, совы радзей заводзяць доўгатэрміновыя стасункі і прытрымліваюцца халастога ладу жыцця.
Даследчык таксама прааналізаваў узровень тэстастэрону і картызолу — гармону, што дапамагае арганізму пазбаўляцца ад стрэсу. Найменьшы ўзровень картызолу быў зафіксаваны ў жанчын-жаўранкаў. У астатніх трох групах паказчыкі ўтрымання картызолу адрозніваліся слаба, таму Маэстрэпіеры дапускае, што жанчыны-совы больш прыстасаваныя да стрэсавых сітуацый і часцей рызыкуюць.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца2
Каментары