Прэзідыум Масгарсуда змякчыў на месяц пакаранне ўдзельніцам панк-групы Pussy Riot, якія былі асуджаная на 2 гады зняволення за акцыю ў храме Хрыста Збавіцеля.
Масгарсуд прызначыў пакаранне Надзеі Талаконнікавай і Марыі Алёхінай ў выглядзе аднаго года 11 месяцаў пазбаўлення волі, а Кацярыне Самуцэвіч — 1 год 11 месяцаў ўмоўна.
Прэзідыум Масгарсуда пастанавіў выключыць з прысуду фармулёўку, што дзеянні асуджаных былі накіраваны «на распальванне нянавісці альбо варожасці». Такім чынам, прэзідыум Масгарсуда часткова задаволіў хадайніцтва абароны асуджаных удзельніц панк-групы. Суд пастанавіў выключыць з кваліфікацыі здзейсненага асуджанымі матыў нянавісці ў адносінах да сацыяльнай групы, з прычыны чаго знізіць ім пакаранне на адзін месяц.
Раней паведамлялася, што Вярхоўны суд выявіў парушэнні ў прысудзе Надзеі Талаконнікавай і Марыі Алёхінай і адправіў яго ў прэзідыум Масгарсуда. У пастанове суддзі паказвалася, што ў прысудзе дапушчаныя шматлікія парушэнні. Пазней у прэзідыум Масгарсуда была адпраўленая і справа Кацярыны Самуцэвіч, асуджанай ўмоўна.
Надзея Талаконнікава і Марыя Алёхіна выйшлі на свабоду 23 снежня 2013 года па амністыі за два месяцы да заканчэння тэрміну.
Прапагандысты запэўніваюць, што 196 палітвязняў ужо на свабодзе9
Каментары