Сустрэча Расіі, ЗША, ЕС і Украіны 17 красавіка можа быць сарваная, калі Кіеў прыменіць сілу на ўсходзе краіны, заявіў пастаянны прадстаўнік Расіі пры ААН Віталій Чуркін.
«Што ж вы думаеце, што заўтра пачнуць украінскія ўзброеныя сілы баявыя дзеянні на паўднёвым усходзе краіны, а мы будзем паперы пісаць да гэтай сустрэчы? Вядома, магчымасць такой сустрэчы будзе кардынальным чынам падарваная, калі пачнуцца вайсковыя дзеянні на паўднёвым усходзе Украіны», — заявіў Чуркін на экстранным пасяджэнні Рады Бяспекі ААН.
«Калі ласка, спадарыня Пауэр (пастаянны прадстаўнік ЗША пры ААН), папрасіце віцэ-прэзідэнта Байдэна ўжо зараз патэлефанаваць спадару Турчынаву. Бо праз некалькі гадзін падзеі могуць прыняць незваротны абарот», — сказаў Віталій Чуркін, нагадваючы аб хуткім заканчэнні ультыматуму, які паставіЎ в.а. прэзідэнта Украіны Аляксандр Турчынаў сепаратыстам на паўднёвым усходзе (да раніцы скласці зброю).
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары