Адбылося лёсаванне першага і другога раўнду Лігі чэмпіёнаў. Супернікам БАТЭ стаў пяціразовы чэмпіён Албаніі клуб «Скандэрбеу» з Корча. Каманда названая ў гонар албанскага нацыянальнага героя Скандэрбега, правадыра антыасманскага паўстання албанцаў у XV стагоддзі. Неафіцыйная назва каманды «снежныя ваўкі».
Клуб «Скандэрбеу» заснаваны больш за 100 гадоў таму, аж у 1909. Футбола ў Беларусі тады яшчэ не было ўвогуле. Упершыню чэмпіянат Албаніі каманда выйграла ў 1933. А наступных поспехаў давялося чакаць амаль 80 гадоў. «Скандэрбеу» чэмпіён краіны ў чатырох апошніх сезонах.
У еўракубках «Скандэрбеу» ўдзельнічаў чатыры разы. Аднак толькі аднойчы змог прайсці стартавы раўнд. Летась албанцы па суме двух матчаў албанцы прайшлі азербайджанскі «Нефтчы», а потым саступілі казахскаму «Шахцёру». Таму самаму, што выбіў з розыгрышу БАТЭ.
Першы матч адбудзецца ў Барысаве 15-16 ліпеня. Сустрэча ў адказ у Корчы пройдзе 22-23 ліпеня.
Каментары