Адбылося гэта падчас канцэрту 28 чэрвеня ў Адэсе, што прайшоў у рамках святкавання 20-годдзя гурту. Канцэрт сабраў 40-50 тыс. гледачоў, што стала рэкордам для горада, паведамляе tabloid.pravda.ua.
Святаслаў Вакарчук выканаў на расійскай мове знакамітую песню Леаніда Уцёсава «У Черного моря», якую падхапілі ўсе прысутныя. Гэта песня фактычна ёсць гімнам Адэсы.
Апроч таго, ОЕ праспяваў разам з лідарам «Бумбокса» Андрэем Хлыўнюком. Яны, у прыватнасці, выканалі песню «Це зі мною».
Нагадаем, што тыдзень таму «Акіян Эльзы» сабраў 70 тыс. гледачоў на «Алімпійскім» у Кіеве.
24 жніўня ОЕ дасць канцэрт у Львове на «Арэне-Львоў», 20 верасня — у Таліне, а 21 верасня — у Хельсінкі.
У кастрычніку плануецца тры канцэрты ў Канадзе: у Таронта, Манрэале і Атаве (9-11 кастрычніка).
Каментары