Клас пажарнай небяспекі ў лясах знізіўся, але наведваць іх пакуль забаронена
Клас пажарнай небяспекі на большай частцы Беларусі знізіўся да першага-другога, паведаміла прэс-служба Міністэрства лясной гаспадаркі.
Разам з тым па ўсёй краіне працягвае дзейнічаць забарона на наведванне лясоў.
Службовыя асобы дзяржаўнай лясной аховы працуюць ва ўзмоцненым рэжыме. З пачатку жніўня дзяржаўная лясная ахова правяла 1.816 рэйдаў па выкананні грамадзянамі абмежаванняў і забароны на наведванне лясоў, у тым ліку сумесных з супрацоўнікамі органаў Міністэрства ўнутраных спраў, Мінпрыроды, Дзяржаўнай інспекцыі па ахове расліннага і жывёльнага свету пры прэзідэнце Рэспублікі Беларусь — 530.
У выніку мерапрыемстваў 359 парушальнікаў былі прыцягнутыя да адміністрацыйнай адказнасці па артыкуле 15.29 КоАП РБ (парушэнне патрабаванняў пажарнай бяспекі ў лясах ці на тарфяніках) і 25 — на падставе артыкула 15.58 КоАП РБ (раскладванне вогнішчаў у забароненых месцах). Накладзена штрафаў на суму 12,9 млн. рублёў.
З пачатку пажаранебяспечнага сезона ў беларускіх лясах адбылося 385 пажараў на агульнай плошчы 164,25 га.
Каментары