Маск прызнаў, што свядома абмяжоўваў Starlink, і абвінаваціў Украіну ў парушэннях правіл
Ілан Маск абвінаваціў Узброеныя сілы Украіны ў парушэнні правіл карыстання спадарожнікавай сістэмай сувязі Starlink, заявіўшы, што яе выкарыстоўвалі для ўдараў беспілотнікамі. Такім чынам заснавальнік SpaceX патлумачыў увядзенне абмежаванняў у працы сістэмы. Пра гэта ён напісаў у сацыяльнай сетцы X увечары 24 кастрычніка.
Па словах Маска, украінскія вайскоўцы парушылі ўмовы выкарыстання Starlink, ужываючы сістэму для наступальных удараў беспілотнікамі, якія прывялі да гібелі людзей. Ён сцвярджае, што магчымасць такога выкарыстання была заблакаваная на мінулым тыдні.
Бізнэсмен заявіў, што Starlink — гэта цывільны камерцыйны сэрвіс, які не прызначаўся для ваенных мэтаў. Для такіх задач, паводле яго слоў, існуе асобная сістэма Starshield, якая знаходзіцца пад кантролем урада ЗША, а рашэнні пра яе выкарыстанне прымаюць амерыканскія дзяржаўныя чыноўнікі.
Маск таксама падкрэсліў выключную важнасць Starlink для абароны Украіны. Паводле яго ацэнкі, цяпер гэта адзіная сістэма сувязі, якую немагчыма заглушыць або вывесці са строю. Ён заявіў, што адключэнне Starlink прывяло б да неадкладнага абвалу ўкраінскага фронту.
Бізнэсмен нагадаў, што ў пачатку поўнамаштабнага расійскага ўварвання Starlink адыграў вырашальную ролю для Украіны, калі іншыя сродкі сувязі былі знішчаныя або падаўленыя расійскім бокам. Маск таксама сцвярджае, што SpaceX зрабіла для абароны Украіны больш, чым любая іншая прыватная кампанія ў свеце.
Украінскі бок, у сваю чаргу, адхіліў абвінавачанні Маска. Дарадца прэзідэнта Украіны па развіцці тэхналагічных напрамкаў абароны Сяргей «Флэш» Бяскрэснаў звярнуў увагу на супярэчнасць у сцвярджэннях амерыканскага бізнэсмена. Паводле яго слоў, з зімы 2026 года для ўсіх тэрміналаў Starlink на тэрыторыі Украіны, у тым ліку на акупаваных землях, дзейнічаюць абмежаванні хуткасці перамяшчэння ў межах 70—90 км/г. Акрамя таго, Starlink не працуе на тэрыторыі Расіі.
Бяскрэснаў заявіў, што праз гэтыя абмежаванні ўкраінскія вайскоўцы фізічна не могуць выкарыстоўваць камерцыйную сістэму Starlink для далёкіх і сярэдніх удараў беспілотнікамі.
Хуткасць Starlink ва Украіне для вайскоўцаў аднавілі
Трамп заявіў, што Маск зняў абмежаванні на доступ Кіева да спадарожнікавай сувязі Starlink
Трамп патэлефанаваў Маску і папрасіў яго зняць абмежаванні Starlink для Украіны
Starshield для Украіны запаволілі па загадзе Маска
Трамп кажа, што Starlink Украіне адключаў не ён і наўрад ці Маск. А хто — не ведае
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары