Ва ўкраінскага боку няма падстаў меркаваць, што фотакарэспандэнт Андрэй Сценін загінуў у выніку абстрэлу аўтакалоны ўкраінскімі вайскоўцамі.
Пра гэта заявіў дарадца міністра абароны краіны Аляксандр Данілюк.
«Зразумела, што ёсць выпадкі, калі ад зброі ўкраінскіх вайскоўцаў могуць гінуць выпадковыя асобы, якія не датычныя да бандфармаванняў. У мяне няма ніякіх падстаў меркаваць, што ён загінуў ад рук украінскіх дэсантнікаў 79-й брыгады або любых іншых украінскіх вайскоўцаў. Перакананы, што і ў расійскім Следчым камітэце такіх доказаў таксама няма», — сказаў Данілюк.
Паводле яго слоў, дзіўна чуць абвінавачванні з боку «краіны-агрэсара, якая анексавала Крым, развязала вайну на Данбасе і пагражае прымяненнем ядзернай зброі».
Раней у расійскім Следчым камітэце паведамілі, што фотакарэспандэнт агенцтва «Россия сегодня» Андрэй Сценін, які знік каля месяца таму, загінуў у выніку абстрэлу калоны бежанцаў, якую суправаджаў.
У расійскім МЗС запатрабавалі ад Кіева ўважлівага расследавання інцыдэнту.
Каментары