Дзевяцігадовая дачка Домрачавай і Б'ёрндалена заняла трэцяе месца на мінскіх спаборніцтвах «Снежнага снайпера»
Дачка Дар’і Домрачавай і Уле-Эйнара Б’ёрндалена Ксенія Б’ёрндален стала прызёрам гарадскога этапу рэспубліканскіх спаборніцтваў па біятлоне «Снежны снайпер» на прызы Прэзідэнцкага спартыўнага клуба, піша БелТА.
Мінскі гарадскі этап рэспубліканскага турніру праходзіць на лыжнай трасе ў Вяснянцы, дзе ўдзельнікі спаборнічаюць у трох узроставых катэгорыях.
У спрынтарскай гонцы сярод дзяўчатак малодшай групы (2015—2016 г. н.) прадстаўніца Цэнтральнага раёна сталіцы Ксенія Б’ёрндален адстралялася без промахаў і заняла трэцяе месца, саступіўшы толькі Вользе Ластоўскай (Першамайскі раён) і Вікторыі Шарупіч (Завадскі раён).
Ксенія выступіць у фінальным этапе «Снежнага снайпера», які з 13 да 15 лютага прымуць «Раўбічы».
Дзевяцігадовая спартсменка — дачка легенд сусветнага біятлону Дар’і Домрачавай і Уле-Эйнара Б’ёрндалена.
Дар'я з’яўляецца чатырохразовай алімпійскай чэмпіёнкай, двухразовай чэмпіёнкай свету і ўладальніцай Вялікага хрустальнага глобуса па выніках сезона 2014/15. Уле-Эйнар заваяваў восем залатых медалёў на Алімпійскіх гульнях і 20 узнагарод найвышэйшай пробы на чэмпіянатах свету, а таксама шэсць разоў станавіўся пераможцам агульнага заліку Кубка свету.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары