«Нас гэта мала хвалюе». Эйсмант адказала, што думае пра крымінальную справу супраць Лукашэнкі
У прэс-сакратаркі Аляксандра Лукашэнкі Наталлі Эйсмант расійскае агенцтва «РИА Новости» запыталася, што яна думае пра планы Кіева завесці крымінальную справу супраць яе шэфа.
Эйсмант заявіла, што ў Мінску, маўляў, не маюць адносна гэтага ніякай інфармацыі:
«Нічога пра такія нібыта абмеркаванні і намеры не ведаем».
Увогуле ж: «Нас гэта мала хвалюе».
Раней міністр замежных спраў Украіны Андрэй Сібіга даў інтэрв'ю выданню «Еўрапейская праўда», у якім адзначыў, што Лукашэнка — «гэта так званы прэзідэнт. Украіна, як і іншыя еўрапейскія краіны, не лічыць яго легітымна абраным прэзідэнтам Беларусі».
На канкрэтнае пытанне журналіста, ці плануе Украіна абвінаваціць грамадзяніна Лукашэнку ў здзяйсненні многіх злачынстваў супраць чалавечнасці, міністр адказаў:
«Я таксама лічу, што цяперашні беларускі рэжым з’яўляецца суадказным за расійскую агрэсію. У 2022 годзе ён даў тэрыторыю Беларусі для наступу на Украіну. Ракеты ляцелі з іх тэрыторыі. Гэта робіць іх саўдзельнікам агрэсіі супраць Украіны.
Ды і зараз мы бачым новыя элементы падтрымкі расійскай агрэсіі з боку рэжыму Лукашэнкі. Яны даюць сваю інфраструктуру для атак украінскай тэрыторыі беспілотнікамі. Я свядома не ўдакладняю дэталі, але мы іх ведаем, кожны такі выпадак фіксуем юрыдычна, натыфікуем ААН пра саўдзел беларускага рэжыму ў агрэсіі і будзем ставіць пытанне пра санкцыі ў дачыненні да датычных асоб і кампаній — у прыватнасці, задзейнічаных у пабудове гэтай інфраструктуры».
На ўдакладняючае пытанне, ці будуць дзеянні супраць асабіста Лукашэнкі, быў адказ:
«Рэжым Лукашэнкі і ён асабіста павінны панесці адказнасць за свой саўдзел у расійскай агрэсіі. І для гэтага ёсць усе юрыдычныя падставы».
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі
Канец «міру» з Лукашэнкам: як адстаўка Ермака паўплывала на курс Украіны адносна Беларусі
Чаму Зяленскі перагледзеў стаўленне да беларускай апазіцыі? Аналіз Валера Карбалевіча
Каментары
Киев подымает ставки, ведь лу и его кодла, оч хотят попасть на украинский рынок, после заключения перемирия....
Теперь есть о чём поторговаться.