Палітыкі пасварыліся ў сацсетках.
Ілан Маск назваў кіраўніка МЗС Польшчы Радаслава Сікорскага «слінявым ідыётам» у адказ на яго словы пра спадарожнікі Starlink ва Украіне.
Супрацьстаянне адбылося ў сацыяльнай сетцы X. Польскі палітык звярнуўся да Маска ў X з пытаннем, чаму той не спыняе «выкарыстанне Starlink рускімі». Міністр таксама заявіў, што Маск «зарабляе на вайскоўцах».
«Эй, круты хлопец, чаму б табе не перашкодзіць рускім выкарыстоўваць Starlink для атак?» — напісаў Сікорскі.
Маск у адказ напісаў, што «гэты слінявы ідыёт нават не разумее, што Starlink — гэта аснова сістэмы сувязі для ўкраінскіх вайскоўцаў».
Гэта не першы публічны канфлікт Маска і Сікорскага.
У снежні мінулага года Маск напісаў у X, што час скасаваць Еўрапейскі саюз. «Бюракратыя ЕС павольна душыць Еўропу», — лічыць Маск. На яго думку, суверэнітэт варта вярнуць асобным краінам, каб урады маглі лепш прадстаўляць свой народ. На думку некаторых аналітыкаў, частка амерыканскага істэблішменту хацела б раскалоць Еўрасаюз па метадзе «падзяліць, каб уладарыць».
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома3
Каментары