Беларусь з 1 кастрычніка зніжае экспартныя пошліны на нафту і нафтапрадукты, што вывозяцца за межы мытнай тэрыторыі Мытнага саюза. Гэта прадугледжана пастановай Савета Міністраў нумар 911 ад 23 верасня 2014 года.
Стаўка экспартнай пошліны на сырую нафту з 1 кастрычніка зніжаецца з $367,6 да $344,7 за 1 т. Пошліна на прамагонны бензін і таварныя бензіны складзе $310,2 за 1 т (цяпер — $330,8 за 1 т), на лёгкія, сярэднія дыстыляты — $227,5 за 1 т ($242,6 за 1 т). Такая ж стаўка пошліны будзе дзейнічаць на бензол, талуол, ксілолы, мазут, змазачныя і іншыя маслы, адпрацаваныя нафтапрадукты, вазелін і парафін, нафтавы кокс (акрамя кальцыніраванага) і бітум.
Пошліна на дызельнае паліва зніжаецца з $238,9 да $224 за 1 т, на звадкаваныя вуглевадародныя газы — з $221 да $145 за 1 т.
Дакумент уносіць адпаведныя змяненні ў пастанову Савета Міністраў нумар 1932 ад 31 снежня 2010 года, у якой ішла размова аб устанаўленні ставак вывазных мытных пошлін адносна сырой нафты і асобных катэгорый тавараў, выпрацаваных з нафты.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары