tass.com
«Гэта адчужэнне ўкраінскага і рускага народаў. Гэта самая вялікая трагедыя. І, вядома, пры ўсіх наяўных сёння праблемах трэба шукаць шлях, каб пераадолець гэты стан», — сказаў прэзідэнт Расіі на сустрэчы з членамі прэзідэнцкага савета па правах чалавека.
Кажучы аб гуманітарнай дапамозе ўсходнім абласцям Украіны, Пуцін падкрэсліў, што Расія не можа «склаўшы рукі глядзець на тое, як людзі проста паміраюць — або ад голаду (…), або без медыкаментаў і без аказання медыцынскай дапамогі». Паводле яго слоў, у гэтым пытанні гуманітарны складнік важней за прававы.
Працягваючы тэму гуманітарнай дапамогі, расійскі лідар назваў «дур'ю» адмову ўкраінскіх чыноўнікаў аказваць падтрымку жыхарам Краматорска на падставе таго, што горад не з'яўляецца часткай Украіны.
«З нагоды таго, што нехта ўнутры Украіны адмаўляецца даваць дапамогу, плаціць дапамогу? — Мы не можам на іх паўплываць. Вы сказалі, што нейкі чыноўнік сказаў, што Краматорск ці нейкі там горад — гэта нават не Украіна, ён проста поўны ідыёт. Мала таго, што ён не выконвае свайго абавязку, ён яшчэ і здзяйсняе злачынства супраць сваёй уласнай краіны, ён свядома адразае частку тэрыторыі. Хто яго на гэта ўпаўнаважыў, я не ведаю. Проста гэта дур», — заявіў прэзідэнт.
