20 сьнежня а 10:30 у Магілёўскім гарадзкім судзе (вул. Дабралюбава, 2) пачаўся разгляд крымінальнай справы ў дачыненьні да Артура Фінькевіча. Хлопцу прад’яўлена абвінавачаньне ў арт. 415 КК (ухіленьне ад адбыцьця пакараньня). Паводле гэтага артыкулу яму пагражае да трох гадоў зьняволеньня. Зараз падыходзіць да канца допыт сьведкаў.
Фінькевіча зьмясьцілі ў сьледчы ізалятар 26 кастрычніка. Да гэтага хлопец адбываў двухгадовае абмежаваньне волі ў магілёўскай спэцкамэндатуры за палітычныя графіці, зробленыя напярэдадні апошніх прэзыдэнцкіх выбараў. Той тэрмін ужо скончыўся 9 сьнежня.
Напярэдадні быў накіраваны адкрыты ліст судзьдзі Крашкінай. «Мы патрабуем спыніць крымінальны перасьлед і вызваліць самага маладога вязьня сумленьня Артура Фінькевіча. Просім Вас разглядаць справу Артура Фінькевіча кіруючыся маральнасьцю і сумленнасьцю, ведаючы, што найбольш справядлівы Божы суд і суд гісторыі, якія з часам дадуць адпаведную адзнаку ўсім чалавечым дзеяньням» — адзначаецца ў лісьце.
Зварот падпісалі лідэр руху «За свабоду» Аляксандар Мілінкевіч, народны паэт Ніл Гілевіч, пісьменьнікі Генадзь Бураўкін і Ўладзімер Арлоў, мастак Аляксей Марачкін, навуковец-геоляг Радзім Гарэцкі, палітык Павал Севярынец. Усяго ліст мае 92 падпісанты.
Адвакатам у Артура будзе Ганна Рыбалка, судзьдзёй — Натальля Крашкіна. Чакаецца, што на суд прыедзе шмат хто з палітыкаў і грамадзкіх дзеячаў.
Дабрацца ў Магілёў з раніцы можна аўтобусамі і маршрутнымі мікрааўтобусамі з аўтавакзалу "Менск-Усходні":
адпраўленьне ў 6:10 (прыбыцьцё ў 9:10), 7:10 (прыб. 10:20), 7:40 (прыб. 10:50), 8:00 (11.00) і г.д.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары