Шматлікія дзяўчаты мараць стаць прынцэсамі, але дасягнуць гэтую мару у нашым стагоддзі могуць толькі кошкі.
Інтэрнет-праект «Buro 24/7» прысвоіў котцы Шупет званне «Дзяўчыны тыдня».
Не ведаю, як чытачы гэтага інтэрнэт-праекту, а я ў шоку!
Дзяўчынай тыдня гэты рэсурс называў і Лэдзі Гагу, і Кейт Мос, а тут на табе — котка-жанчына.
Гляджу я на Шупет (якую, дарэчы, таксама называюць Шупет Лагерфельд) і думаю, што Чалавек канчаткова звар’яцеў.
Гісторыя Шупет падобная на гіторыю з кніжкі «Папялушка»
У доме Карла Лагерфельда котка апынулася выпадкова: яе першы гаспадар, Батыст Джыабіконі, мадэль і галоўная муза на той перыяд часу Карла, папрасіў прыглядзець за Шупет на Каляды, пакуль ён сам будзе ў ад'ездзе. І прывёз пухнатае белае кацяня з вялізнымі блакітнымі вачыма ў кватэру Карла Лагерфельда. А той ужо не змог аддаць Шупет, калі Батыст вырашыў забраць назад.
Цяпер котачка з’яўляецца брэндам, які арт-дырэктар маркі «Шанэль» прадае «на ўра».
Але калі вяртацца да жыцця коткі, то «Buro 24/7» адзначае, што за тым, каб у Шупет усё было добра, сочаць кіроўца, дзве пакаёўкі і асабісты ветэрынар.
Шупет есць у сацыяльных сетках, на блогу і часам выдае кнігі, канешне, не без дапамогі Карла.
«Калі разумна ацаніць ўсе поспехі адной маленькай котачкі, стане зразумела, што павучыцца ў яе можна шмат чаму», —падсумоўвае рэдакцыі «Buro 24/7».
А маім падсўмаваннем гэтага тэксту будзе сціплае: «Мяў!».
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары