Выстава сучаснага дэвіянтнага мастацтва пройдзе ў Літаратурным музеі Петруся Броўкі.
8 снежня а 18 гадзіне ў Літаратурным музеі Петруся Броўкі адбудзецца адкрыцце чарговай выставы серыі «Этнаграфія гарадскога мастацтва».
Музей знакамітага пісьменніка і грамадскага дзеяча Петруся Усцінавіча Броўкі адкрыццём выставы «AРХIMAРЫ» прымае ўдзел да святкаванні Міжнароднага дня інвалідаў, які адзначаецца кожнае 3 снежня.
Аўтар ідэі – вядомы не толькі ў Мінску, але і па-за межамі Беларусі – арт-тэрапеўт Дар’я Яскевіч.
Дэвіянтнае мастацтва - гэта мастацтва без аглядкі: наіўнае, сумленнае, часам сумнае, часам смешнае. Часта, не маючы магчымасці распавесці пра свае перажываньні словамі, людзі з асаблівасцямі псіха-фізічнага развіцця выказваюць свой свет мастацкай мовай. Калі гаворка заходзіць пра творчасць, паняцце «норма» і адхіленне ад яе адыходзяць на другі план, саступаючы месца шчырасці і адкрытасці.
Выстава «AРХIMAРЫ» – спроба даследаваць калектыўнае несвядомае з дапамогай творчасці дэвіянтнага мастацтва. Гэта чарговая магчымасць распавесці пра каштоўнасць падобнага мастацтва не толькі грамадству, але і самім людзям, а таксама ўнікальная магчымасць зірнуць на свет крыху іншымі вачыма – больш памяркоўнымі, мудрымі і добрымі.
Атрымліваць асалоду ад сучаснага дэвіянтнага мастацтва вы будзеце пад гульню флейты ў выкананні нямецкага валанцёра Jakob Grüter. Таксама ў вас будзе цудоўная магчымасць пазнаёміцца з аўтарам ідэі, Дар’яй Яскевіч і з самім мастаком, Міхаілам Булічам.
Выстава будзе працаваць да 8 студзеня 2015 года.
Адрас: г. Мінск, вул. Карла Маркса, 30
Кантактны тэлефон: +375 29 268 31 08 (Таццяна Ткачова)
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус папаў беспілотнік36
Каментары