Кліп «Толькі чакай» стварае новую ўкраінскаю музычную ваенную лірыку
Украінскі спявак Уладзіслаў Лявіцкі з рэжысёрам Тарасам Хімічам запісалі кліп, у якім гучыць маналог жаўнера да сваёй каханай.
Песня адначасова гучыць і ў сучаснасці, і ў антуражы Першай сусветнай вайны, калі супраць Расійскай імперыі ваяваў у складзе аўстра-венгерскай арміі Украінскі добраахвотніцкі легіён.
Уладзіслаў Лявіцкі паходзіць са Львова, быў лаўрэатам конкурса «Новая хваля 2009» у Юрмале, фіналістам падчас нацыянальнага адбору на конкурс «Еўрабачанне» у 2010 і 2011 гадах.
Украінскі добраахвотніцкі легіён (Украінскія сечавыя стральцы) фармаваўся на аснове нацыянальных ваенізаваных арганізацый «Сокал» і «Пласт» у Галіцыі. Пасля Першай сусветнай вайны байцы УСС склалі адныя з найбольш баяздольных фармаванняў Украінскай Народнай Рэспублікі, а таксама Заходне-Украінскай Народнай Рэспублікі.
Верагодна, у кліпе паказана адна з найбольш крывавых аперацый, у якіх удзельнічаў украінскі легіён, — доўгая абарона ад расійскіх войскаў гары Макаўка вясной 1915 года. У ўкраінскай патрыятычнай гістарыяграфіі баі за гару Макаўка сталі адным з першых сімвалаў змагання за ўкраінскую незалежнасць найноўшага часу.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі32
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары