Дырэктара філіяла «Гомсельмаша» ў Аргенціне шукаюць па аб'яве і прапануюць зарплату зваршчыка ў Мінску
«Халяўная схема, каб зваліць, лічы», — пішуць каментатары, заўважыў «Флагшток».
«Гомсельмаш» шукае кандыдата на пасаду дырэктара свайго філіяла ў Аргенціне. Заробак абяцаюць ад 3 тысяч рублёў, пры гэтым неабходна валодаць англійскай ці іспанскай мовамі на ўзроўні не ніжэй за B2 і быць гатовым да вахтавага рэжыму працы — праводзіць у Аргенціне не менш за 6 месяцаў на год.
У сацсетках такую прапанову высмеялі за нізкі для такой пасады заробак:
«3 тысячы рублёў у Аргенціне? Можа быць, даляраў?»
«Кіраўнік-вахтавік у Аргенціне на заробак зваршчыка ў Мінску….»
Карыстальнікі здзівіліся, што кандыдатуру не могуць падабраць сярод работнікаў прадпрыемства і шукаюць дырэктара філіяла па аб'яве:
«Гэта ж да чаго трэба дайсці, каб нават на такія салодкія месцы не было людзей са сваіх».
У каментарах сцвярджаюць, што сярэдні заробак інжынера ў Аргенціне — $2500. Некаторыя адзначылі:
«Па працоўнай візе можна сям'ю ўзяць. Нарадзілася там дзіця — атрымала пашпарт, па ўз'яднанні сям'і зрабіць сабе пашпарт і спакойна звольніцца. Халяўная схема, каб зваліць, лічы».
Таксама ў каментарах задаліся пытаннем, ці будуць выплачваць камандзіровачныя за шэсць месяцаў знаходжання за мяжой і высмеялі фразу «іншагароднім даецца інтэрнат».
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]