Качанава: Мінск — адзін з самых камфортных гарадоў у свеце, тут усё гарманічна
Старшыня Савета Рэспублікі праспявала оду сталіцы Беларусі.
Старшыня Савета Рэспублікі Наталля Качанава нарадзілася ў Полацку, дарослае жыццё правяла ў Полацку і Наваполацку, а 11 гадоў таму перабралася ў Мінск. Чыноўніца запэўнівае, што ёй падабаецца абсалютна ўсё.
«Я вельмі люблю Мінск. Як яго не любіць, калі гэта сталіца маёй радзімы, роднай Беларусі? Гэта прыгожы, дагледжаны горад… Я практычна ўсё свядомае жыццё пражыла не тут, а ў рэгіёне. Але ўжо 11 гадоў жыву і працую ў Мінску. Горад змяняецца, ён пераўтвараецца. Гэта светлы, вельмі прыгожы горад, камфортны для пражывання. Я дастаткова часта бывала ў розных краінах, бачыла многія сталіцы свету. У кожнай свае асаблівасці, свае архітэктурныя, гістарычныя аб'екты. Але горад Мінск, напэўна, адрозніваецца тым, што ён камфортны для пражывання.
Гэта кажа пра тое, што тут клапоцяцца пра людзей. Мінск — гэта не мегаполіс у чыстым выглядзе з велізарнай колькасцю аўтамабіляў, транспартных развязак, будынкаў. Тут усё гарманічна. Сучасныя аб'екты, гістарычныя вуліцы, праспекты…», — расказала яна ў эфіры «Радыё Мінск».
У сярэдзіне 2010‑х Качанавай далі зямлю ў Драздах-2, элітным раёне Мінска. Яна пабудавала дом і перапісала яго на дзвюх сваіх дачок. Такія катэджы каштуюць каля $1 мільёна.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары
Точнее,жизнь преданных колхозниц и колхозников своему колхозегфюреру,да,комфортная.