У Канберы 24 лютага прайшла афіцыйная цырымонія адкрыцця пасольства Рэспублікі Беларусь у Аўстралійскім Саюзе.
Як паведамляе прэс-служба беларускага МЗС, над будынкам пасольства быў узняты дзяржаўны сцяг Беларусі. На цырымоніі прысутнічалі намеснікі міністраў замежных спраў дзвюх краін Валянцін Рыбакоў і Рык Уэлс, прадстаўнікі аўстралійскіх дзяржаўных устаноў і дыпламатычнага корпуса Канберы.
Беларусь, паводле звестак МЗС, падтрымлівае дыпламатычныя адносіны са 174 дзяржавамі і на сёння прадстаўленая замежнымі ўстановамі ў 56 краінах. У 2014 годзе былі адкрытыя пасольствы Беларусі ў Аўстраліі, Катары, Манголіі, Пакістане, Эквадоры і генеральнае консульства ў Мілане (Італія).
У сваю чаргу ў Беларусі замежныя дзяржавы маюць 45 пасольстваў, 4 аддзяленні пасольстваў, 2 гандлёвыя прадстаўніцтвы, 35 консульскіх устаноў (уключаючы ганаровых консулаў); міжнародныя арганізацыі — 15 прадстаўніцтваў. Па сумяшчальніцтве ў Беларусі акрэдытаваныя 88 замежных дыппрадстаўніцтваў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары