Лукашэнка папракнуў Тапузідзіса за хамон у крамах і загадаў праверыць усе гандлёвыя сеткі
«Яны ж у нас рыначнікамі сталі ў момант, самымі багатымі людзьмі. І забываюць, што ў саракаградусную спёку ў камбайне сядзіць звычайны чалавек, селянін».
Аляксандр Лукашэнка на нарадзе ў Вілейскім раёне прайшоўся па асартыменце ў гандлёвых сетках. На нарадзе быў і ўладальнік гандлёвай сеткі «Карона» Павел Тапузідзіс.
«Я разумею, што непапулярны цяпер у Тапузідзіса і яго калег з сетак. Яны ж у нас рыначнікамі сталі ў момант, самымі багатымі людзьмі. І забываюць, што ў саракаградусную спёку ў камбайне сядзіць звычайны чалавек, селянін.
Людзі, пра якіх мы кажам, не патрабуюць ад нас імпартнага. Яны не патрабуюць іспанскі хамон. Патрабуюць звычайнае мяса завезці [у крамы на вёсцы], малочныя прадукты. Але каб свежыя, нармальныя. Трэба нармальны хлеб завезці», — цытуе Лукашэнку БелТА.
«Беларускае — тое, што мы вырабляем, — павінна быць. І кропка!» — запатрабаваў ён.
Міністр антыманапольнага рэгулявання і гандлю Артур Карповіч паведаміў, што за год з гандлёвымі сеткамі, вытворцамі заключана каля тысячы пагадненняў па прасоўванні айчынных тавараў.
Аднак у Камітэце дзяржкантролю лічаць, што да гэтых пагадненняў гандлёвыя сеткі падышлі фармальна і прадаюць шмат імпартных тавараў.
Лукашэнка даручыў кіраўніцтву Адміністрацыі і КДК правесці праверку.
«Гэта павінна быць апошняя размова. Папярэджваю вас усіх і кіраўнікоў сетак».
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»20
Каментары