Гэтым стылістычным прыёмам часта карыстаюцца модніцы.
Абарот «тэорыя няправільнага абутку» ўвяла амерыканская зорная стылістка Элісан Борнстайн. Ідэя ў тым, што нечаканы, дысанансы абутак у вобразе дадае яму больш індывідуальнасці.
«Працуючы з кліентамі і аналізуючы стыль нашых любімых знакамітасцей, я зразумела: тое, што робіць вобраз цікавым і персанальным, — гэта даданне аксесуараў, якія выглядаюць трохі чужародна ці не зусім супадаюць з агульным настроем астатняга аўтфіту», — распавядала Борнстайн Vogue.
Напрыклад, актрыса Эль Фэнінг з’явілася ў Канах у 2023 годзе ў класічных штанах і в'етнамках. А актрыса Кэці Холмс неяк выйшла на чырвоную дарожку не на абцасах, а ў балетках пад доўгую вязаную сукенку.
Модніцы на нядаўнім Тыдні моды ў Капенгагене таксама карысталіся гэтым прыёмам. Яны спалучалі аб'ёмныя штаны карга з туфлямі са змяіным прынтом, а камуфляжныя шорты — з адкрытымі мюлі, піша Harper's Bazzar.
Галоўнай разынкай стылю наведвальніц паказаў была поўная адсутнасць заканамернасці. Кантраст выяўляўся не толькі ў эстэтыцы, але і ў сімвалізме: утылітарныя рэчы спалучаюцца з абуткам і аксесуарамі раскошы ды лёгкасці.
Моднае выданне заўважае: дэмакратызацыя моды і імкненне людзей паказаць сваю індывідуальнасць і складанасць праз разнастайнасць у адзенні спараджае «стыль супярэчнасцей».
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары
Калі ў будні дзень завітаць у срэднестатыстычную беларускую веску, то можна пабачыць смелыя спалучэнні спартыйнага стылю са стылем кэжуал, ці класікі са стылем мілітары. Ну, а высокія гумавыя боты - гэта асноўная фішка, бо хрэн ты без іх куды пройдзеш.