Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
Кіраўніца Аб’яднанага пераходнага кабінета Святлана Ціханоўская выступіла з уступным словам на адкрыцці Канферэнцыі «Новая Беларусь». Яна падкрэсліла, што падзеі 2020 года змянілі беларускае грамадства і запусцілі працэсы, якія немагчыма адмяніць. Канферэнцыя пачалася з авацыі прысутным у зале былым палітвязням.
Пра 2020 год
«Гэта быў момант, калі абудзілася нашая нацыя. Калі мы ўсвядомілі сваю сілу. І сталі іншымі. 2020‑ы запусціў працэсы, якія немагчыма адмяніць».
Па словах Святланы Ціханоўскай, за гэтыя шэсць гадоў беларусы навучыліся самаарганізацыі, салідарнасці і дыпламатычнай працы, стварылі ўласныя структуры, медыя і культурныя праекты, знайшлі міжнародных саюзнікаў. Нягледзячы на рэпрэсіі і вымушаную эміграцыю, беларускае грамадства працягвае ўплываць на будучыню краіны.
Пра сённяшняе становішча
«Гэта фактычна стан гібрыднай акупацыі».
Пра палітычнае змаганне
«Маючы мізэрную прастору для палітычнай працы, мы выціскаем з кожнага яе міліметра максімум. Дзякуючы гэтай працы сёння свет ведае дзве простыя рэчы: Беларусы — гэта не рэжым. А Беларусь — гэта не Расія».
Пра новую дынаміку вакол Беларусі за апошні год
Вызваленне часткі палітвязняў, змены ў пазіцыі Украіны і расследаванне злачынстваў рэжыму ў Гаазе. На яе думку, гэтыя змены сталі магчымымі дзякуючы супольнай працы беларусаў і міжнародных партнёраў.
«Гэта ўсё не адбылося само па сабе. Гэта ўсё вынік нашай з вамі працы. Праца праваабаронцаў, журналістаў, палітыкаў, актывістаў, валанцёраў, і канешне, нашых замежных сяброў. І я ўпэўненая: мы можам яшчэ больш».
Пра галоўныя задачы дэмакратычных сіл
Святлана Ціханоўская назвала галоўнымі задачамі вызваленне ўсіх палітвязняў і спыненне кола рэпрэсій, захаванне беларускай суб’ектнасці, мовы, культуры і ідэнтычнасці, недапушчэнне поўнага ўцягвання Беларусі ў вайну і гатоўнасць скарыстацца новым акном магчымасцяў.
«І ў рэшце рэшт, мы можам паўплываць на стварэнне новага акна магчымасцяў — і быць гатовымі ім скарыстацца. Бо перамены ў Беларусі — гэта пытанне часу.
Як бы ні фоташопілі Лукашэнку на БелТА, яго час непазбежна сыходзіць».
Менавіта таму, падкрэсліла кіраўніца Кабінета, ужо цяпер неабходна думаць пра постлукашэнкаўскую Беларусь: як не дапусціць хаосу, вярнуць законнасць і бяспеку, правесці свабодныя выбары, вывесці краіну з-пад расійскага кантролю і вярнуць яе ў еўрапейскую сям’ю.
«Будуць гэта натуральныя прычыны, раскол у сістэме, ці нешта, чаго сёння ніхто з нас не можа прадбачыць, — мы не ведаем. Але трэба думаць ужо цяпер, як постлукашэнкаўская Беларусь будзе выглядаць».
Асобна Святлана Ціханоўская звярнулася да беларусаў унутры краіны з заклікам не губляць веры, захоўваць сувязі і шукаць бяспечныя формы ўдзелу, а беларусаў за мяжой — быць актыўнымі і бачнымі.
«Нам дапамагаюць тады, калі нас ведаюць, бачаць і нам давяраюць».
Галоўным, што беларусам важна захаваць з 2020 года, Святлана Ціханоўская назвала адчуванне еднасці і ўзаемнай падтрымкі.
«Падтрымлівайце адно аднаго. Асабліва тых, хто толькі выйшаў з турмы. Тых, хто апынуўся ў выгнанні. Тых, хто пачынае жыццё з нуля. І яшчэ — заўважайце добрае. Дзякуйце людзям за працу. Не саромейцеся сказаць чалавеку побач: «Ты малайчына. Тое, што ты робіш, важна». Бо часам добрае слова нятхняе чалавека мацней за сотню стратэгій. Я упэўнена, разам у нас усё атрымаецца, і мы ўсё адолеем. Жыве Беларусь!»
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары