Магілёўская фабрыка нарошчвае выпуск чырвона-зялёных бутаньерак, але працягвае вырабляць і «георгіеўскія»
Стужкі з яблыневымі кветкамі можна набыць у крамах «Cтужка». Пакунак з 25 штук каштуе 14 300 рублёў.
Пашыраецца выпуск чырвона-зялёных бутаньерак з кветкай яблыні. Як паведамілі на магілёўскай фабрыцы «Стужка», там цяпер вырабляюць да 5000 бутаньерак штодзень.
Бутаньеркі з кветкай яблыні былі задуманыя як неканфрантацыйны заменнік расійскім георгіеўскім стужкам. Такая патрэба ўзнікла пасля таго як чорна-аранжавая стужка стала выкарыстоўвацца імперскімі сіламі.
Бутаньерку з кветкай яблыні масава ўжывае на сваіх акцыях Беларускі рэспубліканскі саюз моладзі (БРСМ). Ён спалучыў гэты знак з ініцыятывай па высадцы яблыневых садоў. У вёсках садзяць па 70 шчэпаў — па колькасці гадоў пасля Перамогі. У гарадах — хоць па некалькі сімвалічных дрэўцаў.
У пасадцы дрэваў у Інстытуце пагранічнай службы ўзяў удзел першы сакратар БРСМ Андрэй Белякоў (на фота злева).
Стужкі з яблыневымі кветкамі можна набыць у крамах «Cтужка». Пакунак з 25 стужак каштуе 14 300 рублёў.
Георгіеўскія стужкі таксама прадаюцца ў крамах «Стужкі», а вось нацыянальных бел-чырвона-белых няма — забароненыя. Затое ёсць шматлікія, розныя стужкі ў выглядзе нацыянальнага арнамента.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары