Прэм'ер-міністр Беларусі Андрэй Кабякоў мяркуе, што пераарыентацыя беларускага экспарту з расійскага рынку на іншыя кірункі павінна ажыццяўляцца больш дынамічна. Пра гэта кіраўнік урада заявіў сёння на пасяджэнні Савета Міністраў па пытанні аб выніках знешняга гандлю таварамі і дыверсіфікацыі экспарту за студзень — люты 2015 года, а таксама ацэнцы аб'ёмаў экспарту тавараў за сакавік.
Прэм'ер канстатаваў, што макраэканамічная дынаміка Беларусі ў I квартале гэтага года фармавалася ва ўмовах звужэння асноўных экспартных рынкаў.
«Аб'ём беларускага экспарту па таварах і паслугах, паводле дадзеных статыстыкі, скараціўся ў студзені-лютым на 22,7% у параўнанні з аналагічным перыядам мінулага года», — адзначыў ён. «З-за высокай канцэнтрацыі экспарту, як па таварах, так і рынкам, узрастаюць знешнія рызыкі для стабільнага развіцця нацыянальнай эканомікі», — звярнуў увагу прэм'ер-міністр.
У сувязі з гэтым, падкрэсліў ён, неабходна выпрацаваць рашэнні, накіраваныя на выпраўленне сітуацыі з экспартам, якая склалася ў першыя месяцы гэтага года.
«Нягледзячы на тое, што па выніках студзеня-лютага ў знешнім гандлі таварамі і паслугамі дасягнута станоўчае сальда — $ 683,5 млн (што лепш за вынік аналагічнага перыяду мінулага года і сведчыць аб збалансаванасці знешняга гандлю),
аднак не выконваецца важнейшы прагнозны параметр — экспарт», - адзначыў кіраўнік урада.
Паводле яго слоў, даведзеныя ўрадам на 2015 год паказчыкі, нягледзячы на прыкладзеныя намаганні па нарошчванні і дыверсіфікацыі экспарту, не выконваюцца абсалютна ўсімі галінамі і рэгіёнамі.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары