Байкеры з клуба «Начныя ваўкі» збіраюцца дабрацца да Берліна цягам двух дзён. Як менавіта яны туды трапяць, лідар «ваўкоў» Аляксандр «Хірург» Залдастанаў не стаў расказваць.
фота «Брестской газеты»
Па словах Залдастанава, які прыбыў у аўторак у Брэст, байкерам прыйдзецца хаваць гэтую інфармацыю, каб дамагчыся сваёй мэты. Ёю Залдастанаў называе дастаўку ў Берлін паслання ветэранам Германіі ад расійскіх ветэранаў з Арла.
У панядзелак група байкераў паспрабавала трапіць у Польшчу. Пасля трох гадзін праверкі на пункце памежнага пропуску «Тэрэспаль» польскі бок развярнуў назад дзесяць матацыклаў, два мікрааўтобусы і легкавое аўто, што суправаджала ўдзельнікаў мотапрабегу.
Уся група вярнулася ў Брэст, дзе ў аўторак дала прэс-канферэнцыю ў расійскім консульстве.
Цяпер на цэнтральнай вуліцы Брэста, Пушкінскай, стаіць група з 30 матацыклаў, некаторыя з іх з расійскімі, некаторыя з беларускімі сцягамі.
Раней польскія СМІ паведамлялі, што некаторыя байкеры змаглі праехаць на тэрыторыю Польшчы.
«Начныя ваўкі» пачалі мотапрабег з Масквы ў Берлін 25 красавіка.
Васкрасенскі: Трэба, каб Сікорскі прывёз падарунак Лукашэнку. А Бяляцкі і 20 завадатараў выйдуць апошнімі26
Каментары