Цэнтрвыбаркам прыме дакументы ініцыятыўнай групы Мікалая Статкевіча, але шансаў на рэгістрацыю няма, заявіў БелаПАН сакратар ЦВК Мікалай Лазавік.
Плануецца, што дакументы на рэгістрацыю ініцыятыўнай групы па вылучэнні кандыдатам у прэзідэнты палітзняволенага Мікалая Статкевіча будуць перададзены ў Цэнтрвыбаркам сёння, 16 ліпеня.
«Па сутнасці справы, заява — гэта як зварот грамадзян. Заяву мы абавязаны прыняць, вывучыць, разгледзець і адказаць у афіцыйным парадку па сутнасці», — сказаў Лазавік. Таму, дадаў ён, заява аб рэгістрацыі ініцыятыўнай групы Статкевіча «будзе прынята, як і ў астатніх асоб, якія звярталіся або будуць звяртацца з просьбай у ЦВК».
Аднак, падкрэсліў Лазавік, зарэгістраваць групу Статкевіча не дазваляе выбарчае заканадаўства. «Ні ў воднага чалавека, які кіруецца нормамі закона, не ўзнікае сумненняў, што ў рэгістрацыі ініцыятыўнай групы Статкевіча будзе адмоўлена, — мяркуе сакратар ЦВК. — Нават той, хто кіруецца нейкімі палітычнымі меркаваннямі, разумее, што ў рэгістрацыі будзе адмоўлена. Але яму гэта трэба зрабіць, каб ажыццявіць гэта з пункту гледжання піяру асобы, ад імя якой ён выступае».
Лазавік нагадаў, што ў адпаведнасці з арт. 60 Выбарчага кодэкса «кандыдатамі ў прэзідэнты Рэспублікі Беларусь не могуць быць вылучаны грамадзяне, якія не маюць права ў адпаведнасці з заканадаўствам Рэспублікі Беларусь займаць пасады ў дзяржаўных органах і іншых дзяржаўных арганізацыях у сувязі з наяўнасцю судзімасці».
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай41
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары