«Гэта апошні раз, калі я звяртаюся да такой колькасці людзей у якасці прэзідэнта».
Прэзідэнт Сербіі Аляксандр Вучыч на мітынгу «Сербія — адна сям’я» заявіў, што праз некалькі тыдняў падае ў адстаўку.
Вучыч быў прэзідэнтам Сербіі з 2017 года. Да канца яго другога тэрміна заставаўся яшчэ год.
«Гэта апошні раз, калі я звяртаюся да такой колькасці людзей у якасці прэзідэнта. 14 гадоў я аддана служу сваёй краіне на кожным месцы і ў кожны момант. Я люблю Сербію больш за ўсё на свеце», — сказаў ён.
«Яшчэ некалькі тыдняў я буду прэзідэнтам, а потым падаю ў адстаўку.
Я сказаў старшыні Сербскай прагрэсіўнай партыі, што на будучых выбарах, калі яны гэтага пажадаюць, я разам з вамі дапамагу атрымаць народны давер. Маёй прапановай было, і яны яе прынялі, што спіс будзе называцца «Аб’яднаная Сербія». Веру, што мы пераможам іх больш пераканаўча, чым калі-небудзь, мы выйдзем з тым, як будзем далей дапамагаць нашаму народу, дзе б ён ні жыў. Я памілую многіх людзей. Не змагу ўсіх, але ўсіх тых, хто праз няведанне, неасцярожнасць здзейсніў нейкія дзеянні. Заплюшчу вочы. Мяне не трэба прыбіраць, я сам сыду», — сказаў Вучыч.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары