Абвешчаны доўгі спіс намінантаў на прэмію імя Ежы Гедройця за найлепшую беларускую кнігу 2025 года
У адпаведнасці са статутам прэміі журы абрала дванаццаць кніг, выдадзеных у розных краінах і выдавецкіх асяродках.
Аргкамітэт прэміі імя Ежы Гедройця абвясціў доўгі спіс твораў, намінаваных у 2026 годзе на адну з найважнейшых літаратурных узнагарод у беларускай культурнай прасторы.
Сёлетні доўгі спіс прэміі імя Ежы Гедройця адлюстроўвае разнастайнасць сучаснай беларускай літаратуры — у ім прадстаўлены творы розных жанраў і формаў, піша прэс-служба Прэміі.
У адпаведнасці са статутам прэміі журы абрала дванаццаць кніг, выдадзеных у розных краінах і выдавецкіх асяродках. Частка з іх прадстаўлена ў зашыфраванай форме ў мэтах бяспекі: сапраўдныя імёны аўтараў і назвы твораў раскрываюцца выключна сябрам журы, што абумоўлена рэальнымі ўмовамі, у якіх ствараецца і распаўсюджваецца сёння беларуская літаратура.
Доўгі спіс намінантаў
У 2026 годзе ў доўгі спіс прэміі ўвайшлі наступныя кнігі:
- «Цесля жыцця» — Сяргей Дубаўцэвіч (зашыфраваны ўдзел)
- «Пляц» — Зміцер Залозны (зашыфраваны ўдзел)
- «Проста з любові. Рэпарцёрскія партрэты памяці» — Ганна Кандрацюк (Цэнтр беларускай культуры ў Беластоку, 2025)
- «Халодныя землі» — Аляксандр Карнаўх (Gutenberg Publisher, 2025)
- «Лірнік» — Аляксандр Касцюковіч (зашыфраваны ўдзел)
- «Эйфарыя» — Марыя Пархімчык (Пфляўмбаўм, 2025)
- «Цягнік да Познаня» — Аляксей Правалоцкі (Gutenberg Publisher, 2025)
- «Радзіна» — Збых Слупоўскі (Галіяфы, Maraton, 2025)
- «Боў і мерць у Хротне» — Дзяніс Трусаў (Kamunikat.org, 2025)
- «Раз два тры чатыры два» — Пётр Уманскі (RozUM Media, 2025)
- «Пентаквантар» (кнігі 1 і 2) — Арцём Шуканаў (Gutenberg Publisher, 2025)
- «Спроба эксперыментальнага канструявання сябе» (кнігі 1 і 2) — Макс Шчур (SayBeat, 2025)
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары