23 ліпеня стартаваў чарговы этап выбарчай кампаніі — збор подпісаў у падтрымку грамадзян, прапанаваных для вылучэння кандыдатамі ў прэзідэнты Рэспублікі Беларусь.
Пункты збору подпісаў адразу некалькіх патэнцыйных кандыдатаў у прэзідэнты размясціліся каля ГУМа на праспекце Незалежнасці. Тут у тым ліку збіраюць подпісы і за Аляксандра Лукашэнку. Праўда, адказныя за гэта актывісты Федэрацыі прафсаюзаў адмовіліся расказаць пра свайго кандыдата.
Дыялог карэспандэнта БелаПАН са зборшчыкамі подпісаў за Аляксандра Лукашэнку:
— Раскажыце пра вашага кандыдата.
— А хто вы такі?
— БелаПАН, інфармацыйнае агенцтва.
— Пакладзіце на стол пасведчанне.
— Пасведчанне не кладуць на стол. Раскажыце пра кандыдата.
— Пераводзьце камеру — убачыце.
— А іншыя распавядаюць.
— Шмат дзе чаго распавядаюць.
— То бок, не хочаце пра кандыдата расказаць?
— Хочам, але не цяпер. Усяму свой час.
— Дзяўчаты, — звяртаецца карэспандэнт да іншых удзельніц пікету, — а вы раскажыце пра кандыдата, за якога агітуеце.
— А навошта расказваць? Усе ўсё ведаюць.
— Я не ведаю.
— Гэта вашы праблемы.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары