Пікеты за Лукашэнку, Караткевіч, Лябедзьку, Цярэшчанку: як у Мінску праходзіць збор подпісаў ФОТЫ
Cёння стартаваў збор подпісаў у падтрымку вылучэння кандыдатаў у прэзідэнты Беларусі.
Подпісы амаль цягам месяца будуць збіраць восем ініцыятыўных груп — Сяргея Гайдукевіча, Сяргея Калякіна, Таццяны Караткевіч, Аляксандра Лукашэнкі, Анатоля Лябедзькі, Жанны Раманоўскай, Мікалая Улаховіча, Віктара Цярэшчанкі. Каб прайсці далей, трэба сабраць 100 тыс. подпісаў.
Каля ўніверсама «Цэнтральны» суседзяць ініцыятыўныя групы Таццяны Караткевіч (пад бел-чырвона-белым сцягам) і Аляксандра Лукашэнкі (са сцягамі Федэрацыі прафсаюзаў Беларусі і дзяржаўным).
Пікет у падтрымку Караткевіч
Яшчэ адзін пікет Таццяны Караткевіч
Анатоль Лябедзька сам бярэ ўдзел у зборы подпісаў каля ГУМа.
Пакуль абстаноўка спакойная, міліцыі няма, правакацыі не чыняцца. Людзі рэагуюць па-рознаму. Нехта спяняецца, слухае, падпісваецца. Нехта спяшаецца па справах,
Міма нават праходзіў міністр унутраных спраў Шуневіч, але не падпісаўся ні за кога.
За Лукашэнку падпісваюцца ахвотней, утвараюцца нават міні-чэргі, па 3-5 чалавек стаяць адразу.
на Нямізе пакуль два пікеты — «Белая Русь» збірае подпісы за Лукашэнка. Таксама ёсць пікет, які збірае подпісы за Анатоля Лябедзьку.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары