Ці можна ў Беларусі адмовіцца ад ID-карты і перайсці на звычайны пашпарт?
Выданне «Смартпрэс» атрымала ад сваёй чытачкі пытанне, ці можна ўжо атрыманую ID-карту пасля абмяняць на звычайны папяровы беларускі пашпарт — і даведалася адказ на яго.
«Ці праўда, што калі грамадзянін Беларусі атрымаў ID-карту, абмяняць яе назад на папяровы пашпарт ужо немагчыма? Нават пры страце і патрэбе аднаўлення? Папяровы пашпарт, як паказала практыка, значна зручнейшы: бачныя прапіска, наяўнасць сужонца, дзяцей, не трэба афармляць асобна замежны пашпарт. Зрабіла дзіцяці ID-карту і цяпер вельмі шкадую…», — напісала чытачка «Смартпрэса» Алена.
Аказалася, што калі грамадзянін Беларусі ўжо аформіў ID-карту, то атрымаць замест яе звычайны пашпарт старога ўзору ўжо не атрымаецца. Гэта тычыцца і выпадкаў, калі ID-карта была страчаная, пашкоджаная або скончыўся тэрмін яе дзеяння. Замест яе зноў выдадуць ID-карту.
Як раней расказвалі ў Дэпартаменце па грамадзянстве і міграцыі МУС, атрыманне ID-карты — добраахвотны выбар грамадзяніна. Ніхто не абавязаны мяняць дзейны папяровы пашпарт на біяметрычныя дакументы да заканчэння тэрміну яго дзеяння. Аднак пасля таго, як чалавек вырашыў перайсці на новую сістэму дакументаў і атрымаў ID-карту, зваротнага пераходу на пашпарт-кніжку заканадаўствам не прадугледжана.
Што да паездак за мяжу, то тут сапраўды ёсць адрозненне ад звычайнага пашпарта. Калі раней адзін дакумент адначасова сведчыў асобу ў Беларусі і выкарыстоўваўся для замежных паездак, то цяпер гэтыя функцыі падзеленыя.
ID-карта выкарыстоўваецца як асноўны дакумент унутры краіны. А вось для выезду за мяжу патрэбен біяметрычны пашпарт, які афармляецца асобна. Пры гэтым аформіць біяметрычны пашпарт можна ў любы момант, калі ўзнікне такая патрэба.
Даверлівая мінчанка скінула арандатарам з Расіі копію свайго пашпарта. А тыя цішком прадалі яе кватэру коштам $90 тысяч
Ахвотным паехаць па бязвізе ў М'янму трэба быць акуратнымі з мабільнымі тэлефонамі
Ва Украіне рыхтуюць законапраект, які дапаможа беларусам вырашыць праблему пратэрмінаваных дакументаў
Андрэй Пачобут папрасіў прэм’ера Польшчы выдаваць беларусам дакумент замежніка мінімум на тры гады
Беларусы паехалі нараджаць у Аргенціну, каб дзіця не засталося без пашпарта. А потым вырашылі там застацца
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары