Але хто такія Фаіны?
Стартап студэнтаў БНТУ Fainy.by быў прадстаўлены аўдыторыі 11 жніўня, паведамляецца на старонцы «Стартап цэнтр БНТУ» на Facebook. Мяркуючы па старонцы «Фаіны» на Instagram, праект запусціўся амаль два месяцы таму.
«Фаіны» называюць сябе «саюзам маладых, творчых дызайнераў і суперсучаснага вышывальнага абсталявання». Праект будзе прадаваць цішоткі і іншае адзенне як з малюнкамі з нацыянальным арнаментам, так і з афіцыйнай сімволікай Беларусі — ці проста без малюнкаў.
Цэны пазначаныя дзіўныя — ад нуля да 130 тысяч за майку.
Некаторыя тавары нагадваюць «вышымайкі» накшталт тых, што прапануе Symbal.by. Праўда, з такіх у продажы на сайце пакуль толькі шэра-чырвоная жаночая вышымайка і сіне-жоўтая мужчынская, а таксама белая кепка з блакітым элементам арнамента.
У інстаграме «Фаінаў» таксама паказаныя розныя іншыя варыянты жаночых вышымаек за 130-300 тысяч.
На сайце таксама рэкламуецца «канструктар вышыванак», але спасылкі з яго нікуды не вядуць. Сайт цалкам на рускай мове — за выключэннем адной фразы, «Прыгажость у кожнай рэчы».
Чытайце таксама:
Дзе набыць вышыванку: спіс крамаў і майстроў
16 сайтаў, дзе можна набыць беларускі падарунак
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары