Але каб узяць крэдыт, трэба зарабляць 56 млн у месяц
З 1 верасня 2015 года ААТ «АСБ Беларусбанк» зноў пачало выдаваць крэдыты на набыццё жылых памяшканняў на другасным рынку нерухомасці, паведамляе прэс-служба банка.
Крэдыт выдаецца ў беларускіх рублях на тэрмін да 15 гадоў пад 32% гадавых. Банк гатовы прафінансаваць да 75% кошту жылля.
Як паведамілі ў кантакт-цэнтры Беларусбанка, для таго каб узяць крэдыт на суму 50 тысяч даляраў (каля 875 млн рублёў), неабходна зарабляць прыкладна 56 мільёнаў рублёў у месяц.
Памер штомесячнага плацяжу складзе 28.200.000.
«Нашы разлікі прыкладныя. Больш падрабязна — у аддзеле крэдытавання. Дарэчы, сукупны даход членаў сям'і або паручыцеляў не ўлічваецца. Толькі вашы ўласныя даходы», — адзначыла спецыяліст.
Працэнты па крэдыце выплачваюцца з наступнага месяца пасля прадастаўлення. Разлік працэнтаў ажыццяўляецца на фактычную рэшту асноўнага доўгу.
Для атрымання крэдыту таксама спатрэбіцца прынесці пакет дакументаў, сярод якіх абавязкова павінна быць дамова куплі-продажу жылля. Акрамя таго, забяспечыць крэдыт прыйдзецца паручыцельствам.
Месяц таму Беларусбанк знізіў працэнтныя стаўкі па крэдытных дагаворах на фінансаванне нерухомасці да 32% гадавых.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары